Hamingja, mórall, vinnugleði og helvíti - Af fræðilegum og skemmtilegum vinklum um samskipti á vinnustöðum

Samstarf á vinnustöðum ætti auðvitað að geta gengið frábærlega því allir vilja að samskiptin séu góð, að verk séu vel og rétt unnin, vera stoltir af eigin verkum og svo framvegis. En það er ekkert sjálfgefið og bara sú staðreynd að 48% sambúða endar með skilnaði - og þar er byrjað með sterkar yfirlýsingar, tilfinningar og ætlanir - gefur vísbendingu að oft fari samstarf á annan veg en ætlað er. En hvernig er almennilegt samstarf á vinnustöðum? Það er hægt að svara spurningunni á marga skemmtilega vegu og í fyrirlestrinum verður farið yfir þá. 

Patrick Lencione sem gaf út metsölubókina The Five Dysfunctions of a Team, fjallar um þau atriði sem þurfa að vera til staðar til að samstarf milli samstarfsmanna nái góðum hæðum. Starfsánægja og gleði starfsmanna fer einnig eftir ákveðnum skrefum samkvæmt því sem kom fram í rannsóknum þeirra Marcus Buckingham og Curt Coffman á 80.000 manns í Bandaríkjunum. Hamingjufræðin er á mikilli uppleið og þar er m.a. spurt hver ber ábyrgð á hamingjunni; Er það ég, yfirmaðurinn, skuldirnar, kreppan eða kokkurinn? Kannski er einhverjum öðrum ætlað að smíða okkar gæfu. Sagan góða frá englinum um himnaríki og helvíti á einnig við þegar rætt er um gott samstarf. 

Þetta og margt annað verður rætt á hressandi og fræðandi hátt í þessum fyrirlestri.

Fyrirlesari: Eyþór Eðvarðsson
 

Skráning á póstlista  |    |