NÝTT: Jákvæður starfsandi - aukinn árangur og lífsorka

Skemmtilegur fyrirlestur og léttar Qigong æfingar sniðnar að tíma og þörfum hvers fyrirtækis. Qigong eru yfir 5000 ára gamlar orkuæfingar frá Kína sem gerðar eru í vinnufötunum. Einnig hægt að fá sérsniðið námskeið að þörfum hvers fyrirtækis. 

Mikil krafa er til stjórnenda um að „mannauðurinn“ skili árangri í bráð og lengd.  Góður starfsandi, sameiginlegur skilningur á lykilverkefnum og vilji til að gera betur í dag en í gær er lykilinn að framúrskarandi árangri. Hvernig getum við aukið gleði og samvinnu og um leið aukið framlegð og árangur? Þegar tækifæri gefst, er í fyrirlestrinum fléttað inn gildum og meginstefnu fyrirtækisins. Lögð er áhersla á mikilvægi þess að vinna stefnumiðað og efla vitund starfsmanna til samstöðu, þekkingaröflunar og -miðlunar. 

Í lokin eru gerðar nokkrar Qigong æfingar sem efla orku, losa um spennu og bæta einbeitingu. 

Þau fyrirtæki sem hafa jákvæða og viljasterka starfsmenn ná og viðhalda samkeppnisforskoti.  

Ávinningur:

Ný þekking til að efla jákvæðan starfsanda 
Meiri orka og starfsgleði
Aukin hæfni við að takast á við erfiðar aðstæður með uppbyggilegum hætti
Grunnþekking á gagnreyndri aðferð til að bæta andlega og líkamlega líðan

Fyrirlesari og leiðbeinandi er Þorvaldur Ingi Jónsson, Ms í stjórnun og stefnumótun. Hann hefur haldið fjölda námskeiða og var stundakennari við HÍ í stjórnun og stefnumótun. Þorvaldur hefur undanfarin ár stundað og kennt Qigong æfingar. Hann er einn af höfundum bókarinnar Gunnarsæfingarnar. 



Tilvitnanir í meðmæli: 

Frú Vigdís Finnbogadóttir, fv. forseti Íslands: Mér er af eigin reynslu ljúft og mæla með Þorvaldi Inga sem frábærum leiðbeinanda fyrir þá sem hafa hug á að kynna sér Qigong, viðhalda góðri lífsorku og efla jákvæða lífsafstöðu. 

Guðmunda Smáradóttir, Forseti eRotary og forstöðumaður Opna háskólans í HR: Fyrirlesturinn og æfingarnar á eftir mæltust afar vel fyrir og fólk fór brosandi og endurnýjað út í daginn að fundi loknum. 

Hólmfríður E. Finnsdóttir, mannauðsstjóri Tryggingastofnunar: Satt best að segja var þessi kynning frábær og voru starfsmenn TR alsælir að kynnast þessari gömlu hugmyndafræði og hvernig hægt er að nýta hana sér til heilsueflingar. 

Helgi Helgason, deildarstjóri eldra stigs, Snælandsskóla: Það var fræðandi og mannbætandi að hlusta á Þorvald Inga kynna áhrif jákvæðrar menningar og heimspekina sem Qigong æfingarnar byggja á. Við yfirgáfum salinn í andlega betra standi, hlaðin orku en samt sultuslök. Margir höfðu á orði að hér væri komin leið til að auðga andann og bæta innri styrk.

Skráning á póstlista  |    |