Vinnustaðarmenning


Allir vinnustaðir hafa sína sérstöku menningu. Til dæmis ríkir sums staðar „samkeppnisandi” og starfsmönnum finnst þeir sífellt þurfa að skara fram úr samstarfsfólkinu sínu. Á öðrum vinnustöðum ríkir „samstarfsandi” og þar finnst starfsmönnum fremur að þeim beri að vinna saman sem ein heild.


Segja má að vinnustaðarmenningin sé hinn óskrifaði hluti vinnustaðarins. Vinnustaðarmenning getur lýst sér í tilteknum viðhorfum starfsmanna, þ.e. í sameiginlegum gildum, normum og viðhorfum. Menning er hugtak sem skýrir af hverju fólk gerir ákveðna hluti, hugsar á sama hátt, samþykkir sömu markmið, vinnuaðferðir o.s.frv. Þessi viðhorf geta einnig verið til staðar hjá ákveðnum hópi innan vinnustaðarins. Oftast er um að ræða mismunandi menningar og mismunandi gildismat á milli hópa á vinnustaðnum. Kynjaskipting, þjóðerni, þjóðfélagsstaða og samsetning hópsins geta haft afgerandi áhrif á ríkjandi gildismati.


Á námskeiðinu er fjallað um hvað vinnustaðarmenning er og hvernig hún verður til. Nokkrar menningargerðir eru teknar til umræðu og fjallað um áhrifavalda og breytingar á fyrirtækjamenningu. Farið er ofan í saumana á menningarlíkani Clayton Lafferty og skoðaðar þær tólf menningargerðir sem kenning hans aðgreinir.


Námskeiðið hentar öllum þeim sem vilja auka skilning sinn á því hvað vinnustaðarmenning er og hvernig hún verður til.


Meðal þess sem tekið er fyrir á námskeiðinu:
  • Hugtakið vinnustaðarmenning
  • Mótun vinnustaðarmenningar
  • Þróun vinnustaðamenningar
  • Tegundir vinnustaðarmenningar
  • Uppbyggjandi vinnustaðarmenning
  • Breytingar á fyrirtækjamenningu

Meðal þess sem tekið er fyrir á námskeiðinu:

  • Meiri innsýn í eigin vinnustaðarmenningu
  • Þekking og skilningur á mótun vinnustaðarmenningar
  • Þekking á helstu tegundum vinnustaðarmenningar
  • Geta til að rýna í eigin vinnustaðarmenningu
Kennsluaðferðir:
  • Fyrirlestur
  • Umræður
  • Æfingar

Lengd:

Námskeiðið er 3 klst. að lengd.


Leiðbeinandi:
Eyþór Eðvarðsson, M.A. í vinnusálfræði og þjálfari og ráðgjafi hjá Þekkingarmiðlun.



Skráning á póstlista  |    |  

thekkingarmidlun@thekkingarmidlun.is  Þekkingarmiðlun sími: 892 1987 / 892 2987 |