Styrkjum leiðtogahæfni og jákvæða lífsafstöðu
5. okt. kl. 13-16.30
Námskeiðslýsing
Markmiðið námskeiðsins er að auka skilning og hæfni stjórnenda og starfsmanna til að skapa og innleiða menningu leiðtoga. Á vinnustað er mikilvægt að það ríki traust, jákvætt hugarfar, fólk upplifi vellíðan og allir hafi tækifæri til að njóta sín. Með velvild og stuðningi aukum við starfsánægju og minnkum líkur á langtímaveikindum og kulnun. Um leið aukum við árangur og samkeppnishæfni.
Námskeiðið byggir á fyrirlestrum, umræðum og léttum lífsorkuæfingum sem styrkja leiðtogahæfni og auka starfsánægju, einbeitingu og árangur.
Leiðbeinandi
Þorvaldur Ingi Jónsson. Hann er með meistarapróf í stjórnun og stefnumótun. Þorvaldur heldur fyrirlestra um áhrifamátt leiðtogamenningar og jákvæðs skapandi lífsmáta ásamt því að kenna og leiða Qigong lífsorkuæfingar.
Meðal þess sem er tekið fyrir:
- Hvernig góður starfsandi, sjálfsöryggi og samvinna styrkja leiðtogahæfni
- Hvernig markviss uppbygging á leiðtogamenningu eykur gleði og árangur
- Hvernig starfsmenn geta aukið lífsorkuna, jákvætt hugarfar og starfsánægju
- Hvernig hægt er að draga úr veikindum og kulnun
Ávinningur
- Aukin þekking á leiðum til að skapa menningu leiðtoga
- Hæfni til að byggja upp meira sjálfsöryggi, traust og samvinnu
- Stjórnendur og starfsmenn ræða fyrr saman um líðan
- Nýr skilningur á áhrifamætti einfaldra lífsorkuæfinga (t.d. Qigong)
- Meiri starfsánægja og minni veikindi
- Hugarfar leiðtoga - við getum gert betur í dag en í gær
Kennsluaðferðir
- Fyrirlestrar og umræður tengd starfi þátttakenda
- Qigong lífsmáti og léttar æfingar
„Eftir að hafa lengi vitað af Þorvaldi og Qigong lífsorkuæfingum undir hans stjórn fengum við hann með stutt innlegg og nokkrar æfingar á starfsdegi. Þetta atriði byggði upp góða orku og gleði fyrir daginn…"
„Mér er af eigin reynslu ljúft að mæla með Þorvaldi Inga sem frábærum leiðbeinanda fyrir þá sem hafa huga á að kynna sér Qigong til að viðhalda góðri lífsorku og efla jákvæða lífsafstöðu."
