Ábyrgð í orðum og gjörðum er einn af hornsteinum Þekkingarmiðlunar, kt. 440102-2550. Fyrirtækið leggur ríka áherslu á að virða friðhelgi einkalífs og vernda persónuupplýsingar þeirra sem það á í samskiptum við. Þekkingarmiðlun starfar í samræmi við lög nr. 90/2018 um persónuvernd og vinnslu persónuupplýsinga og almennu persónuverndarreglugerð Evrópusambandsins (GDPR).

Þekkingarmiðlun leggur áherslu á að allar persónuupplýsingar séu meðhöndlaðar af ábyrgð og unnar með lögmætum, sanngjörnum og gagnsæjum hætti.

Í þessari persónuverndarstefnu er gerð grein fyrir því hvaða persónuupplýsingum Þekkingarmiðlun safnar, í hvaða tilgangi þær eru notaðar, hvernig þær eru varðveittar og hvaða ráðstafanir eru gerðar til að tryggja öryggi þeirra. 

Markmið stefnunnar er að þátttakendur á námskeiðum og öðrum viðburðum, verktakar, viðskiptavinir og aðrir sem eiga í samskiptum við Þekkingarmiðlun séu upplýstir um hvernig fyrirtækið safnar og vinnur persónuupplýsingar.

Persónuverndarstefnan er aðgengileg á vefsíðu fyrirtækisins, www.thekkingarmidlun.is.

Ábyrgð og trúnaður

Þekkingarmiðlun ber ábyrgð á vinnslu persónuupplýsinga á sínum vegum og framkvæmdastjóri fyrirtækisins ber ábyrgð á að persónuverndarstefnunni sé framfylgt.

Stefnan er kynnt þeim sem starfa á vegum fyrirtækisins. Starfsmenn undirrita jafnframt trúnaðaryfirlýsingu sem heldur gildi sínu eftir að þeir láta af störfum

Söfnun og vinnsla persónuupplýsinga 

Persónuupplýsingar eru hvers kyns upplýsingar sem hægt er að rekja beint eða óbeint til tiltekins einstaklings, svo sem nafn, kennitala, heimilisfang, símanúmer og netfang.

Þekkingarmiðlun safnar og vinnur persónuupplýsingar í tengslum við starfsemi sína, meðal annars með eftirfarandi hætti:

Póstlisti

Einstaklingar geta skráð sig á póstlista Þekkingarmiðlunar í gegnum vefsíðu fyrirtækisins, www.thekkingarmidlun.is. Við skráningu er netfangi viðkomandi safnað.

Póstlistinn er notaður til að miðla upplýsingum um námskeið, fyrirlestra og aðra viðburði á vegum Þekkingarmiðlunar, auk almennra tilkynninga og kveðja. Einnig er hann nýttur til að senda út rafrænar þjónustukannanir og áramótakveðjur.

Einstaklingar geta hvenær sem er óskað eftir að vera fjarlægðir af póstlistanum með því að senda tölvupóst á thekkingarmidlun@thekkingarmidlun.is.

Skráning á námskeið og viðburði

Þekkingarmiðlun safnar nafni, kennitölu, heimilisfangi, símanúmeri og netfangi einstaklinga sem skrá sig á námskeið, ráðstefnur eða aðra viðburði á vegum fyrirtækisins.

Upplýsingarnar eru notaðar til að:

• Halda utan um skráningar og þátttöku.
• Gefa út reikninga vegna þátttöku.
• Staðfesta námskeiðsþátttöku með viðurkenningarskjali, óski þátttakandi eftir því.
• Greina þróun í starfsemi Þekkingarmiðlunar með tölfræðilegum hætti.

Upplýsingarnar eru varðveittar um óákveðinn tíma, meðal annars til að unnt sé að staðfesta þátttöku einstaklinga á námskeiðum síðar.

Frammistöðumat á stjórnendanámskeiðum

Í tengslum við frammistöðumat á stjórnendanámskeiðum safnar Þekkingarmiðlun rafrænum umsögnum um þátttakendur.

Upplýsingarnar eru eingöngu notaðar við gerð frammistöðumats og er aðgangur að þeim takmarkaður við umsjónarmann viðkomandi námskeiðs.

Umsagnareyðublöðum og rafrænum umsögnum er eytt einni viku eftir að þátttakendur hafa fengið umsagnarblað sitt afhent. Persónuupplýsingar sem safnað er í þessum tilgangi eru ekki varðveittar að vinnslu lokinni.

Greiningar og úttektir fyrir vinnustaði

Þekkingarmiðlun safnar persónuupplýsingum í tengslum við greiningar og úttektir sem fyrirtækið framkvæmir fyrir fyrirtæki og stofnanir.

Upplýsingarnar felast meðal annars í svörum einstaklinga við spurningum um stöðu og starfsemi vinnustaða, auk ábendinga og tillagna að úrbótum.

Upplýsingarnar eru eingöngu varðveittar á meðan unnið er að greiningu, samantekt niðurstaðna og tillögum að aðgerðum.

Persónugreinanlegum upplýsingum er eytt eigi síðar en tveimur vikum eftir að niðurstöðum hefur verið skilað til viðkomandi vinnustaðar

 Upplýsingar um verktaka

Þekkingarmiðlun safnar nafni, kennitölu, heimilisfangi, símanúmeri, netfangi og bankaupplýsingum verktaka sem starfa á vegum fyrirtækisins.

Upplýsingarnar eru notaðar til að halda utan um viðskiptasambandið og greiða verktökum fyrir veitta þjónustu.

Miðlun persónuupplýsinga 

Þekkingarmiðlun leggur ríka áherslu á trúnað og ábyrga meðferð persónuupplýsinga. Upplýsingarnar eru ekki notaðar í öðrum tilgangi en þeim sem þeirra var aflað fyrir.

Þekkingarmiðlun miðlar ekki persónuupplýsingum til þriðja aðila nema að fengnu samþykki viðkomandi einstaklings.

Starfsmönnum og verktökum ber að gæta fyllsta trúnaðar um allar persónuupplýsingar sem þeir fá aðgang að í störfum sínum og meðhöndla þær í samræmi við gildandi lög og reglur um persónuvernd.

Öryggi persónuupplýsinga

Þekkingarmiðlun leggur áherslu á að tryggja öryggi þeirra persónuupplýsinga sem fyrirtækið hefur undir höndum.

Viðeigandi tæknilegar og skipulagslegar öryggisráðstafanir eru viðhafðar til að vernda upplýsingarnar gegn óheimilum aðgangi, misnotkun, breytingum, glötun eða annarri ólögmætri vinnslu.

Aðgangur að persónuupplýsingum er takmarkaður við þá sem þurfa á þeim að halda vegna starfa sinna

Endurskoðun persónuverndarstefnu 

Persónuverndarstefna Þekkingarmiðlunar er endurskoðuð reglulega með það að markmiði að tryggja að hún endurspegli starfsemi fyrirtækisins, gildandi lög og góða starfshætti við meðferð persónuupplýsinga.

Þekkingarmiðlun áskilur sér rétt til að uppfæra stefnuna eftir þörfum. Breytingar verða birtar á vefsíðu fyrirtækisins og ný útgáfa auðkennd með dagsetningu síðustu uppfærslu.

Fyrirspurnum um meðferð persónuupplýsinga eða persónuverndarstefnu Þekkingarmiðlunar skal beina á netfangið ingrid@thekkingarmidlun.is.

Persónuverndarstefna þessi var fyrst samþykkt 10. júlí 2018 og síðast uppfærð 15. október 2026.