Tilvalin leið til að þétta hópinn, efla liðsheildina og skapa jákvæða stemningu á starfsmannafundum, starfsdögum og öðrum viðburðum. Boðið er upp á 20–30 mínútna eða klukkustundar dagskrá sem sameinar hvetjandi fyrirlestur og léttar Qigong-lífsorkuæfingar.
Qigong á sér 5000 ára sögu í Kína þar sem æfingarnar hafa lengi verið stundaðar til að efla heilsu og vellíðan. Þær byggjast á samspili öndunar, mjúkra hreyfinga og hugleiðslu og geta stuðlað að aukinni slökun, einbeitingu og betri líðan.
Áhersla er lögð á jákvætt hugarfar, persónulega ábyrgð og mikilvægi þess að hver og einn fái að njóta sín. Við eflum leiðtogahugsun og hvetjum þátttakendur til að leita leiða til að gera betur í dag en í gær. Með gagnkvæmum stuðningi og uppbyggilegu viðhorfi getur hver og einn lagt sitt af mörkum til að styrkja liðsheildina og stuðla að sameiginlegum árangri.
Dagskráin er sérsniðin að óskum og þörfum hvers hóps svo tíminn nýtist sem best til að efla lífsorku, starfsgleði og jákvætt hugarfar þátttakenda. Þátttakendur kynnast jafnframt einföldum Qigong-æfingum sem þeir geta nýtt í daglegu lífi til að draga úr streitu og stuðla að andlegri og líkamlegri vellíðan
Ávinningur:
- Jákvætt hugarfar og leiðtogahugsun: Hvatning til að taka frumkvæði, sýna ábyrgð og gera betur í dag en í gær.
- Meiri orka og starfsgleði: Aukin samheldni, gagnkvæmur stuðningur og jákvæðari samskipti.
- Betri hæfni til að takast á við áskoranir: Uppbyggileg viðhorf og aukin seigla í krefjandi aðstæðum.
- Aukin vellíðan: Grunnþekking á Qigong-lífsorkuæfingum sem auðvelt er að nýta til að efla slökun, jafnvægi og vellíðan í daglegu lífi.
Fyrirlesari: Þorvaldur Ingi Jónsson, MS í stjórnun og stefnumótun. Þorvaldur hefur haldið fjölda námskeiða og var stundakennari við HÍ í stefnumiðaðri stjórnun. Hann hefur undanfarin ár kennt og leitt Qigong lífsorkuæfingar. Hann er einn höfunda einu íslensku Qigong bókarinnar, Gunnarsæfingarnar.
Umsagnir og meðmæli:
Frú Vigdís Finnbogadóttir, fv. forseti Íslands hefur stundað Qigong frá árinu 1994: Mér er af eigin reynslu ljúft og mæla með Þorvaldi Inga sem frábærum leiðbeinanda fyrir þá sem hafa hug á að kynna sér Qigong, viðhalda góðri lífsorku og efla jákvæða lífsafstöðu.
Herdís Pála Pálsdóttir, reyndur stjórnandi, fyrirlesari og ráðgjafi: Eftir að hafa lengi vitað af Þorvaldi og Qigong æfingum undir hans stjórn fengum við hann með stutt innlegg og nokkrar æfingar á starfsdag í vinnunni og var mjög mikil ánægja með hann og æfingarnar. Þetta atriði byggði upp góða orku og gleði fyrir daginn.
