Um hugrekki, sjálfsmildi og að leyfa sér að fylgja hjartanu
Í þessum einlæga og áhrifamikla fyrirlestri deilir Sóley Eiríksdóttir reynslu sinni af sjálfsefa, “survivors guilt” og því hvernig við lærum að halda áfram eftir áföll og finnum hugrekkið til að elta draumana okkar.
Sóley bjargaðist úr snjóflóðinu á Flateyri eftir að hafa legið undir snjó í níu klukkustundir. Hún missti bæði systur sína og heimili í flóðinu og hefur síðan verið í sífelldri leit að tilgangi lífsins.
Í dag styður hún fólk sem vill losna við sjálfsefa, byggja upp sjálfsmildi, sterkari sjálfsmynd og gefa sér leyfi til að fylgja draumunum sínum.
Fyrirlesturinn er bæði persónulegur og faglegur þar sem Sóley tengir saman markþjálfun, jákvæða sálfræði og lífsreynslu sem veitir fólki innblástur til að styrkja sjálfsmyndina, mæta sér af mildi og þora að standa með sjálfu sér bæði í lífi og starfi.
Fyrirlesari: Sóley Eiríksdóttir. Hún starfar sem sjálfsvinnumarkþjálfi með áherslu á sjálfsmildi, innri styrk og persónulegan vöxt. Saga hennar birtist í bókinni Nóttin sem öllu breytti – Snjóflóðið á Flateyri og í dag nýtir hún reynslu sína til að veita öðrum innblástur til að finna innra jafnvægi og byggja upp sitt draumalíf.
Hún hefur lokið BA-prófi í sagnfræði, Msc í verkefnastjórnun og masters diplómu í jákvæðri sálfræði auk þess að hafa tekið grunn- og framhaldsnám í markþjálfun.
