Við erum öll einstök en samt svo lík. Sumra náum við strax vel til á meðan samskipti við aðra geta reynst flóknari. En hvers vegna er það svo? Hvað ræður því hvernig við hugsum, hegðum okkur og eigum samskipti? Og hvernig getum við nýtt þekkingu á ólíkum persónuleikum til að bæta samskipti okkar?
Ein þekktasta nálgunin til að greina ólíka persónuleika og samskiptastíla byggir á hugmyndum svissneska sálfræðingsins Carls Gustavs Jung. Út frá kenningum hans var meðal annars þróað Myers-Briggs persónuleikalíkanið (MBTI), sem greinir á milli 16 persónuleikagerða út frá fjórum víddum. Þekking á þessum eðlislæga mismun milli einstaklinga opnar nýjar víddir og eykur skilning, umburðarlyndi og árangur í samskiptum.
Í fyrirlestrinum er fjallað um hvað einkennir þessa ólíku samskiptastíla, hvers vegna við bregðumst mismunandi við sömu aðstæðum og hvernig aukinn skilningur á þessum mun getur stuðlað að betri samskiptum, auknu umburðarlyndi og farsælli samvinnu.
Samskipti við vinnufélaga, ættingja, maka og viðskiptavini verða aldrei eins eftir þennan fyrirlestur.
Fyrirlesari: Eyþór Eðvarðsson, MA í vinnusálfræði, þjálfari og ræaðgjafi hjá Þekkingarmiðlun
