Frá blautu barnsbeini er okkur kennt hvað má og hvað má ekki. Við fáum leiðbeiningar, áminningar og skammir og lærum smám saman ótal reglur um hvernig við eigum að haga okkur. En hvað gerist þegar við verðum fullorðin? Jú, við höldum áfram að fylgja reglunum, oft án þess að hafa hugmynd um hvers vegna þær eru til!
Flest berum við með okkur alls kyns boð og bönn sem við höfum erft frá foreldrum okkar og samfélaginu. Sumar reglurnar eru skynsamlegar, aðrar stórfurðulegar og margar höfum við aldrei látið okkur detta í hug að efast um. Svo höldum við ótrauð áfram að innræta börnunum okkar sömu reglur!
Í þessum fyrirlestri er farið yfir margar af þeim ráðleggingum sem við fengum í arf frá okkar foreldrum og erum að berja inn í okkar eigin börn. Hvers vegna má til dæmis ekki fara á sjúkrahús í skítugum nærbuxum? Af hverju má ekki leggjast í sortir í veislum? Og hver ákvað eiginlega að það væri dónaskapur að reka út úr sér tunguna?
Í þessum bráðskemmtilega fyrirlestri eru ýmsar kunnuglegar reglur, uppeldisvenjur og óskrifuð lögmál daglegra samskipta tekin til umfjöllunar. Með húmor og skemmtilegum dæmum verður velt upp hvaðan þessar reglur koma, hvers vegna við fylgjum þeim og hvort þær eigi alltaf rétt á sér.
Fyrirlesturinn er fyrir alla þá sem þora að hlæja að því sem helst má ekki hlæja að!
Fyrirlesari: Eyþór Eðvarðsson, MA í vinnusálfræði, þjálfari og ráðgjafi hjá Þekkingarmiðlun
