Djók! En gott að hafa náð athygli þinni.
Húmor er nefnilega miklu meira en bara skemmtun. Hann getur verið öflugt verkfæri til að efla vellíðan, samskipti og starfsanda. Húmor léttir andrúmsloftið, losar um spennu, dregur úr streitu og getur aukið bæði sköpunargleði og námsgetu. Hann styrkir einnig félagsleg tengsl, eykur samkennd og stuðlar að jákvæðara og skemmtilegra vinnuumhverfi.
Rannsóknir benda til þess að hlátur og húmor geti haft margvísleg jákvæð áhrif á líkamlega og andlega heilsu. En húmor er ekki alltaf saklaus. Hann birtist í ólíkum myndum, allt frá léttum orðaleikjum og sjálfshæðni til gálgahúmors, háðs og kaldhæðni. Það sem einum þykir fyndið getur sært annan. Hvernig getum við því nýtt húmor til að byggja upp góð samskipti án þess að það verði á kostnað annarra?
Í þessum líflega og skemmtilega fyrirlestri er fjallað um mikilvægi húmors í lífi og starfi, ólíkar birtingarmyndir hans og áhrif á líðan, samskipti og samstarf. Með blöndu af fræðilegri innsýn, skemmtilegum dæmum og hæfilegum skammti af húmor fá þátttakendur nýja sýn á hvers vegna það borgar sig að taka húmor alvarlega.
Það er sannarlega full ástæða til að brosa!
Fyrirlesari: Ingrid Kuhlman, MSc í hagnýtri jákvæðri sálfræði, þjálfari og ráðgjafi hjá Þekkingarmiðlun
