Hvað er það sem gerir suma hópa árangursríkari en aðra? Hvers vegna geta hópar hæfileikaríkra einstaklinga átt erfitt með að ná árangri á meðan aðrir, sem virðast ekki endilega hafa sömu burði, ná framúrskarandi árangri?
Svarið getur meðal annars legið í því hvernig hópurinn er samsettur og hvernig ólíkir styrkleikar og hæfileikar einstaklinganna nýtast í samstarfinu.
Breski sálfræðingurinn Meredith Belbin hefur um áratugaskeið rannsakað hvað einkennir árangursríka hópa. Hann þróaði kenningu um níu hóphlutverk sem lýsa mismunandi leiðum fólks til að leggja sitt af mörkum í samstarfi. Hvert hlutverk hefur sína styrkleika og veikleika og flestir finna sig best í tveimur eða þremur þeirra. Lykillinn að árangursríku samstarfi felst ekki endilega í því að hafa eingöngu framúrskarandi einstaklinga í hópnum, heldur í því að nýta fjölbreytta styrkleika þeirra og skapa jafnvægi milli ólíkra hlutverka.
Í þessum fróðlega og hagnýta fyrirlestri er fjallað um einkenni árangursríkra hópa og hvernig ólík hóphlutverk hafa áhrif á samskipti, samstarf og frammistöðu. Þátttakendur fá innsýn í eigin styrkleika og hlutverk í hópstarfi, hvernig hægt er að nýta styrkleika annarra og hvers vegna fjölbreytileiki getur verið einn helsti styrkleiki hópsins.
Fyrirlesari: Eyþór Eðvarðsson eða Ingrid Kuhlman, þjálfarar og ráðgjafar hjá Þekkingarmiðlun.
