Ingrid Kuhlman er þjálfari og ráðgjafi og jafnframt framkvæmdastjóri Þekkingarmiðlunar. Hún er með MSc-gráðu í hagnýtri jákvæðri sálfræði (MAPP) frá Bucks New University árið 2018. Frá 1994 til 1999 starfaði hún við kennslu í eigin skóla í Hollandi. Ingrid hefur skrifað fjölda greina í íslensk og erlend tímarit um fjölbreytt viðfangsefni, meðal annars samskipti, tímastjórnun, jákvæða sálfræði, markmiðasetningu, seiglu og hamingju.

Ingrid hefur tekið virkan þátt í fjölmörgum verkefnum, stjórnum og nefndum í gegnum tíðina. Á árunum 2000 til 2001 sat hún í verkefnastjórn Hins gullna jafnvægis, samstarfsverkefnis Reykjavíkurborgar og Gallup sem hafði það að markmiði að stuðla að betra jafnvægi milli vinnu og einkalífs. Hún sat einnig í verkefnastjórn átaksverkefnisins Konur til forystu, sem beindist að jafnara náms- og starfsvali kynjanna, og er einn af höfundum bæklingsins Lykillinn að velgengni á vinnumarkaði, sem kom út árið 2001.

Á árunum 2000 til 2001 sat hún í verkefnastjórn Hins gullna jafnvægis, samstarfsverkefnis Reykjavíkurborgar og Gallup sem hafði það að markmiði að stuðla að betra jafnvægi milli vinnu og einkalífs. Hún sat einnig í verkefnastjórn átaksverkefnisins Konur til forystu, sem beindist að jafnara náms- og starfsvali kynjanna, og er einn af höfundum bæklingsins Lykillinn að velgengni á vinnumarkaði, sem kom út árið 2001.

Á árunum 2004 til 2013 gegndi Ingrid hlutverki Affiliate Representative Educator hjá European Management Assistants (EUMA). Hún sat í fræðslunefnd Félags kvenna í atvinnurekstri frá 2005 til 2007 og var formaður nefndarinnar síðasta árið. Þá sat hún í stjórn Heimilis og skóla, landssamtaka foreldra, frá 2010 til 2012 og var varamaður í stjórn Orkuveitu Reykjavíkur frá 2010 til 2011.

Ingrid sat í stjórn Lífs styrktarfélags frá 2009 til 2014 og tók aftur sæti í stjórn árið 2019, þá sem formaður. Félagið hefur það að markmiði að styrkja Kvennadeild Landspítalans og bæta aðbúnað og þjónustu við konur og fjölskyldur þeirra í tengslum við meðgöngu, fæðingu og sængurlegu, auk kvenna sem þurfa umönnun vegna kvensjúkdóma.

Ingrid er formaður Lífsvirðingar, félags um dánaraðstoð, sem stofnað var árið 2017. Hún er jafnframt þátttakandi í baráttuhópnum París 1,5, sem vinnur að því að Ísland leggi sitt af mörkum til að takmarka hlýnun jarðar við 1,5 gráður. Á árunum 2018 til 2022 var hún tengiliður Íslands við European Network of Positive Psychology (ENPP) og sat jafnframt í stjórn Félags um jákvæða sálfræði.

Ingrid hefur einnig komið að útgáfu fjölda rita og bóka. Árið 1998 var hún, ásamt Eyþóri Eðvarðssyni, ritstjóri bókarinnar Management van mensen (Stjórnun fólks), sem kom út í Hollandi. Árið 2006 gaf hún út bókina Tímastjórnun í starfi og einkalífi. Hún var ritstjóri tímaritsins Impetus, sem Félag aðstoðarmanna forstjóra (EUMA) á Íslandi gaf út, frá 2005 til 2015. Þá er hún meðhöfundur bókarinnar Vellíðan barna: Handbók fyrir foreldra, ásamt Unni Örnu Jónsdóttur og Hrafnhildi Sigurðardóttur.