Að eiga við krefjandi viðskiptavini Þjónustunámskeið Lengd: 3 klst. Námskeiðslýsing Það er ekki hægt að gera öllum til hæfis og því er það órjúfanlegur hluti af þjónustustarfi að eiga við viðskiptavini sem eru óánægðir, óþolinmóðir, pirraðir, reiðir og jafnvel dónalegir. Í slíkum aðstæðum reynir mjög á samskiptafærni starfsfólks.  Meðal þess sem gagnlegt er að þekkja og kunna er hvernig eigi að svara þegar einhver segir óviðeigandi og niðrandi hluti. Eða hvernig eigi að bregðast við reiðu fólki sem getur komið fyrir sem ógnandi. Við vitum það flest að það hjálpar lítið að verða reiður eða hræddur. Mikilvægt er að geta stjórnað eigin tilfinningum, náð tökum á viðskiptavininum og síðast en ekki síst að geta náð því fram sem málið fjallar um og vinna það áfram. Það er stórt mál í samskiptum við krefjandi viðskiptavini að eiga góða samstarfsmenn sem koma þegar ástæða er til, grípa inn í aðstæður og standa með manni. Okkar persónulega viðhorf skiptir máli því það er oft þannig að suma daga, sérstaklega þegar við erum ekki vel upplögð, koma allir erfiðu viðskiptavinirnir.  Í þessari lifandi og lærdómsríku vinnustofu er farið yfir fjölmörg atriði sem gott er að þekkja þegar tekist er á við krefjandi viðskiptavini. Þátttakendur koma með dæmi sem eru rædd og síðan er rýnt í hvernig best sé að nálgast málin. Leiðbeinandinn stjórnar umræðum og tengir við fræðilega þáttinn. Leiðbeinandi Eyþór Eðvarðsson, MA í vinnusálfræði og þjálfari hjá Þekkingarmiðlun ehf. Meðal þess sem tekið er fyrir: Viðmót og viðhorf þjónustuaðila Hvers vegna er fólk erfitt? Að spegla hegðun Að byggja brú til þeirra erfiðu Að eiga við sárt, reitt og dónalegt fólk Að takast á við eigin tilfinningaviðbrögð og hugsanir Hlutverk samstarfsmanna Ávinningur: Aukin hæfni í erfiðum aðstæðum Aukin innsýn í hegðun krefjandi viðskiptavina Meira öryggi í samskiptum Betri líðan í erfiðum aðstæðum Kennsluaðferðir: Umræður Verklegar æfingar Virk þátttaka