Móttaka nýliða og félagsmótun Námskeið fyrir stjórnendur Lengd: 3 klst.  Námskeiðslýsing Móttaka nýliða getur skipt sköpum í árangri vinnustaða þar sem líkur á að starfsmaður hætti störfum eru mestar fyrstu mánuðina. Ef ekki er rétt staðið að móttöku nýliða upplifir hann óöryggi og óvissu um hlutverk sitt. Vanþekking hans á starfi og vinnustaðnum getur leitt til hættu á mistökum og þess að nýliði sýni litla hollustu gagnvart vinnustaðnum. Rétt móttaka nýliða getur minnkað líkurnar á að starfsmenn hætti um 9%. Starfsmenn fara í gegnum þrjú stig frá því þeir eru ráðnir. Fyrsta stigið er þegar þeir koma inn og þá er mikilvægt að skapa raunhæfar væntingar. Á öðru stiginu á sér stað félagsmótun þar sem vinnustaðurinn og starfsmaðurinn stilla saman væntingar. Á þriðja stiginu er starfsmaðurinn orðinn fullgildur meðlimur vinnustaðarins. Á námskeiðinu er móttaka nýliða rædd og helstu skref í félagsmótun einstaklinga frá því að þeir samþykkja og aðlagast vinnubrögðum og hugsun vinnustaðarins, þ.e. þeim kröfum og væntingum sem gerðar eru. Fjallað er um sálfræðilega samninginn og mismunandi væntingar starfsmanna og vinnustaða. Námskeiðið hentar öllum þeim sem vilja ná auknum árangri í móttöku nýrra starfsmanna og félagsmótun. Leiðbeinandi Eyþór Eðvarðsson, MA í vinnusálfræði, þjálfari og ráðgjafi hjá Þekkingarmiðlun Meðal þess sem er tekið fyrir: Afleiðing lélegrar móttöku nýliða Félagsmótun Sálfræðilegi samningurinn Þjálfun nýliða Fóstrakerfi Ávinningur Ánægðari starfsmenn Bætt afköst Færri mistök Minni starfsmannavelta Minni ráðningar- og þjálfunarkostnaður Kennsluaðferðir Fyrirlestur Umræður Virk þátttaka