Starfsdagur um góðan vinnustað Lengd: 3 klst. Námskeiðslýsing Á góðum vinnustað eru málin rædd á uppbyggilegan og góðan hátt.  Það má aldrei vera markmið í sjálfu sér að allir séu alltaf sáttir við alla hluti enda ekki hægt að gera öllum til hæfis. Það að vera hamingjusamur þýðir heldur ekki að maður sé ánægður með allt. En fátt er betra fyrir vinnustað en umræða um umræðuna, samtal um samtalið og vinna til að bæta vinnuna. Í þessari krefjandi og skemmtilegu vinnustofu er rætt um nokkrar af stóru spurningunum sem allir vinnustaðir eiga að tala um eins og: Er ég ánægð(ur) í starfi? Hvað hvetur mig og hvað letur? Hvernig er starfsandinn? Hvernig er að vinna með mér? Leiðbeinandi stýrir umræðum og blandar fræðilegu innleggi saman við umræðurnar. Um er að ræða gefandi vinnu sem hefur góð áhrif á starfsandann og líðan á vinnustaðnum. Vinnustofan hentar mjög vel á starfsdögum og fyrir hópa sem vinna saman og vilja verða enn betri. Leiðbeinandi Eyþór Eðvarðsson, MA í vinnusálfræði og þjálfari hjá Þekkingarmiðlun ehf. Meðal þess sem tekið er fyrir Samskiptafærni Stóru spurningarnar Starfsandi Starfsánægja Ávinningur Hreinskilni Opinská og lipur samskipti Meira traust Aukin samkennd Kennsluaðferðir Stuttir fyrirlestrar Umræður í litlum hópum og sameiginlega