Samskiptastílar - MBTI Námskeið fyrir vinnustaðinn Lengd: 3 klst. Námskeiðslýsing Öll erum við einstök en samt svo lík. Munurinn á okkur veldur því m.a. að okkur gengur betur að ná til sumra en annarra. Lykilatriði í öllum samskiptum er að vita hvernig fólk hegðar sér og af hverju það gerir það sem það gerir.  Ein þekktasta aðferðin til greiningar á samskiptastílum er byggð á kenningu Carl Gustaf Jung um sálfræðilegar týpur. Kenningin gefur innsýn í hegðun og samskiptamáta fólks. Gerð er greinarmunur á 16 sálfræðilegum týpum út frá fjórum þáttum. Þekking á þessum eðlislæga mismun milli einstaklinga opnar nýjar víddir og eykur skilning, umburðarlyndi og árangur í samskiptum. Á námskeiðinu svara þátttakendur stuttum spurningalista, fluttur er fyrirlestur um kenninguna og farið er í æfingar sem draga fram muninn milli einstaklinganna. Samskipti við vinnufélaga, ættingja, maka og viðskiptavini verða aldrei eins eftir þetta námskeið. Meðal þess sem er tekið fyrir: Munur á milli einstaklinga. Algengur misskilningur í samskiptum. Ólíkar leiðir fólks í samskiptum. Leiðir til að vinna með ólíku fólki. Ávinningur Aukinn skilningur á eigin samskiptastíl og annarra. Þekking á algengum vandamálum í samskiptum. Meiri þekking á eðlislægum styrkleikum. Meira umburðarlyndi og ánægjulegri samskipti. Leiðbeinandi Eyþór Eðvarðsson, MA í vinnusálfræði og þjálfari hjá Þekkingarmiðlun ehf. eða Ingrid Kuhlman, MSc í jákvæðri sálfræði, þjálfari hjá Þekkingarmiðlun ehf.